ព្រះខ័នរាជស្វាយរៀងនៅតែរក្សាកំណត់ត្រាទាំង៣របស់ខ្លួន ដោយមិនមានក្រុមណាបំបែកបានឡើយ

ក្លិបបាល់ទាត់ព្រះខ័នរាជស្វាយរៀងក្រោមការដឹកនាំរបស់លោក Pep Munoz នៅតែធ្វើបានយ៉ាងល្អគិតត្រឹមសប្ដាហ៍ទី៨នៃការប្រកួតលីគកំពូលកម្ពុជា Cambodian Premier League ក្នុងនោះក្លិបបាល់ទាត់ព្រះខ័នរាជស្វាយរៀងនៅតែរក្សាកំណត់ត្រារបស់ខ្លួនទាំងបីបានយ៉ាងល្អគ្មានក្លិបណាអាចបំបែកបានឡើយ។
កំណត់ត្រាទី១៖ ឆ្លងកាត់ការប្រកួត៨លើកមកនេះ ព្រះខ័នរាជស្វាយរៀង មានទាន់បរាជ័យទាល់តែសោះ ដែលធ្វើឲ្យក្រុមឈរនៅកំពូលតារាងលេខ១ នៃចំណាត់ថ្នាក់លីគកំពូលកម្ពុជា Cambodian Premier League ដែលមាន ២៤ពិន្ទុ។
កំណត់ត្រាទី២៖ ព្រះខ័នរាជស្វាយរៀង ជាក្រុមដែលអាចស៊ុតបញ្ចូលទីបានច្រើនជាងគេបំផុត រហូតដល់ ២០គ្រាប់ឈរនៅចំណាត់ថ្នាក់លេខ១។
កំណត់ត្រាទី៣៖ ខ្សែប្រយុទ្ធ Macus Warren Haber របស់ព្រះខ័នរាជស្វាយរៀងគឺជាកីឡាករតែម្នាក់គត់ដែលអាចស៊ុតបញ្ចូលទីបានច្រើនជាងគេបំផុតចំនួន ១២គ្រាប់។