កីឡដ្ឋានថ្មីរបស់អង្គរថយហ្គឺរ នឹងចាប់ផ្ដើមបើកការដ្ឋានសាងសង់ហើយនៅខែមករានេះ ដើម្បីអោយទាន់រដូវកាលថ្មីរបស់លីគកំពូលកម្ពុជា ២០២៤/២៥

តាមការគ្រោងទុករបស់ក្លិបបាល់ទាត់អង្គរថាយហ្គឺរ អំពីការសាងសងកីឡដ្ឋានថ្មីរបស់ខ្លួន ពេលនេះបានចាប់ផ្ដើមសាងសងហើយនៅខែមករា ដើមឆ្នាំនេះ ដើម្បីធ្វើយ៉ាងណាឲ្យទាន់ការប្រកួតលីគកំពូលកម្ពុជា Cambodian Premier League រដូវកាលឆ្នាំ ២០២៤/២៥ ចំពោះកីឡដ្ឋាននេះ បើតាមការបញ្ជាក់របស់ប្រធានក្លិបលោក Akihiro Kato បន្ទាប់ពីក្លិបបានចុះអនុស្សារណៈនៃការយោគយល់គ្នាជាមួយក្រុមហ៊ុន Wonderpass Technology ដើម្បីសហការសាងសង់កីឡដ្ឋានឆ្លាតវៃនេះ កាលពីចុងសប្ដាហ៍កន្លងទៅ៕