អ៊ុំ វិចិត្រ បានរំលឹកពេលខ្លួនរបួសដៃធ្ងន់ធ្ងរ ដែលកន្លះឆ្នាំទើបបានទទួលការវះកាត់
អ្នកចាំទី អ៊ុំ វិចិត្រ បានរំលឹករឿងដែលខ្លួនធ្លាប់បានរងរបួសកាលពីពេលបានចូលរួមជាមួយក្រុមយុវជន U21 និងបន្តហ្វឹកហាត់ជាមួយក្រុមធំជម្រើសជាតិនៅឆ្នាំ២០១៤ ហើយរបួសនេះអ្នកចាំទីរបស់ភ្នំពេញក្រោនលើកឡើងថា កន្លះឆ្នាំទើបទទួលបានការវះកាត់។
អ៊ុំ វិចិត្រ៖”អ្វីដែលពិបាកបំផុត មុនពេលវះកាត់ ខ្ញុំបានសួរលោកគ្រូពេទ្យថា លោកគ្រូតើខ្ញុំអាចបន្តអាជីពហ្នឹងវិញបានទៀតអត់? លោកគ្រូនិយាយខ្លីថា អត់ទេប្អូន យកល្អឈប់លេងទៅ ពីព្រោះរបួសកន្លែងសំខាន់ ដៃខ្ញុំនៅជាប់រុំប័ង ខ្ញុំអង្គុយមើលការប្រកួតកម្ពុជាមួយម៉ាកាវនៅស្តាតចាស់ជម្រុះ World Cup ឆ្នាំ២០១៥។ ពេលនោះបងប្អូនចូលទស្សនាច្រើនកុះករពេញស្តាតចាស់។ បន្ទាប់មកទៀត ការប្រកួតរបស់ក្រុមជម្រើសជាតិនីមួយៗមានមនុស្សចូលមើលច្រើនមែនទែន។ ពេលខ្លះ ខ្ញុំដេកគិត ហេតុអ្វីជីវិតខ្ញុំយ៉ាងនេះ បាល់ទាត់កំពុងផ្ទុះ បែរជាខ្ញុំជួបបញ្ហារបួស។ យូរហើយមិចមិនផ្ទុះ មកផ្ទុះអីចំពេលខ្ញុំរបួស។ ខ្ញុំអាចនិយាយបានថា ខ្ញុំស៊យក៏ថាបាន”។ប្រភព៖កម្ពុជាថ្មី
