ឃើញលំបាកមិនមើលរំលង! អ្នកនាង ស្រួង ភាវី នឹងយកថវិកាព្រមទាំងគ្រឿងឧបភោគបរិភោគទៅជូនប្ដី ប្រពន្ធ ដែលកំពុងខ្វះខាត់ខ្លាំង
ក្រោយបានឃើញប្ដីប្រពន្ធចាស់មួយគូដែលកំពុងជួបការលំបាកដោយមានជីវិភាពខ្វះខាតខ្លាំង និងបានសុំជំនួយពីមហាជននោះ ស្រាប់តែអ្នកនាង ស្រួង ភាវី ជាកីឡាការិនីស៊្នូកឃ័រប៊ីយ៉ាការ៉ុមដែលតំណាងឱ្យកម្ពុជា រស់នៅប្រទេសកូរ៉េ មិនមើលរំលងនោះទេបានចេញមុខមកជួយភ្លាមៗ ។
ក្នុងនោះអ្នកនាង ស្រួង ភាវី ក៏បានបង្ហោះរូបភាពអមជាសំណេរដោយរៀបរាប់ថា « ឃើញហើយកុំដាច់អូសរំលងណាបងប្អូន គ្រួសារគាត់លើដៃសំពះលាយលំទឹកភ្នែក សុំឱ្យជួយពួកកាត់ផង ប្រពន្ធនិយាយត្រដិត ប្តីបាក់ជើងធ្វើការធ្ងន់មិនកើត រាល់ថ្ងៃដើររែកទឹកឱ្យគេ បាន ៥០០០រៀលមកទិញអង្ក និងទឹកត្រីហូបផ្ទះបាក់បែកធ្លុះធ្លាយអស់ សុំស្លឹកត្នោតគេមិនឱ្យមានតែទ្រាំរស់ទ្រាំដេកក្រោមដំបូលធ្លុះធ្លាយបែបនេះទៅជីវិតគេជីវិតយើងគ្មាននរណាចង់ក្រឡើយ ហេតុនេះខ្ញុំនឹងឱ្យបងៗយកថវិកាព្រមទាំងគ្រឿងឧបភោគបរិភោគទៅជូនពួកគាត់ ដូច្នេះបើបងប្អូនមានទឹកចិត្តប្រកបដោយមេត្តាករុណា អាចចូលរួមជាមួយខ្ញុំបាន »។
ជាមួយគ្នានេះដែរ ក៏បានបងប្អូនដែលមានចិត្តមេត្តាករុណា បានចូលរួមជាថវិកាបន្កិចបន្ទួចតាមរយៈអ្នកនាងស្រួង ភាវី ក្នុងការជួយដល់ប្ដី ប្រពន្ធ ដែលពួកគាត់កំពុងតែមានការលំបាកនេះជាច្រើនផងដែរ ៕
