កាន់តែខិតចិត្តចប់ហើយ! ព្រះខ័នរាជស្វាយរៀងនៅតែជាក្រុមខ្លាំងក្រោយយកឈ្នះអង្គរថាយហ្គ
ពានរង្វាន់លីគកំពូលកម្ពុជា (Cambodian Premier League 2023-24) បានឈានដល់សប្ដាហ៍ទី២៣ ជុំទី៣ដោយបញ្ចប់ការប្រកួតនៅថ្ងៃអាទិត្រ ទី៣ ខែមីនា ឆ្នាំ២០២៤នេះ ដោយមាន៣គូក្នុងនោះគឺក្លឹបបាល់ទាត់ភ្នំពេញក្រោន យកឈ្នះវិសាខា, ISI ដង្កោសែនជ័យ យកឈ្នះ ណាហ្គាវើលដ៍ និងបឹងកេត យកឈ្នះគិរីវង់សុខសែនជ័យ។
ជាការពិតណាស់ក្រុមបាល់ទាត់ព្រះខ័នរាជស្វាយរៀងនៅតែបន្តឈរលើកំពូលតារាងដ៏រឹងមាំជាមួយ៥៩ពិន្ទុក្នុងដៃ បន្ទាប់ពីឈ្នះ១៩ដង ស្មើ២ និងចាញ់២ ដោយមានភាគរយកាន់តែច្រើនក្នុងការគ្រងជើងឯករដូវកាលនេះ ខណៈភ្នំពេញក្រោនមាន៥២ពិន្ទុ តាមរយៈឈ្នះ១៦ដង ស្មើ៤ និងចាញ់៣។
ចំពោះវិសាខាមាន៣៨ពិន្ទុ កំពុងឈរលេខ៣ បន្ទាប់ពីឈ្នះ១២ ស្មើ២ និងចាញ់៩ ដោយតាមពី ក្រោយភ្នំពេញក្រោន៤ពិន្ទុ។ ពួកគេមានភាគខ្ពស់ក្នុងការឡើងទៅជុំទី៤ ប៉ុន្តែការប្រជែងជើងឯកកាន់តែមានភាគរយតិចដូច ដង្កោសែនជ័យ និងបឹងកេតដែរ។
