ធ្ងន់ធ្ងរណាស់! Modric បញ្ជាក់ពីរបួសរបស់ Camavinga
កីឡាករ Luka Modric ដែលជាតារាឆ្នើមរបស់ក្រុម Real Madrid បានផ្តល់ព័ត៌មានអំពីមិត្តរួមក្រុមគឺខ្សែបម្រើ Eduardo Camavinga បន្ទាប់ពីរងរបួសក្នុងការប្រកួតជាមួយក្រុម Getafe កាលពីថ្ងៃសៅរ៍ ដោយឈ្នះក្នុងលទ្ធផល ១-០។
ជាការពិតណាស់ ខ្សែបម្រើសញ្ជាតិបារាំងត្រូវបានប្តូរចេញភ្លាមៗបន្ទាប់ពីមានការប៉ះទង្គិចពីខ្សែការពារ Juan Iglesias នៅនាទីទី ៨៣។ រូបគេត្រូវបានគេឃើញថា បានដាក់ដុំទឹកកកលើជង្គង់ បន្ទាប់ពីនោះ បានបង្កឱ្យមានការព្រួយបារម្ភអំពីលទ្ធភាពសម្រាប់ការប្រកួត UEFA Champions League វគ្គពាក់កណ្តាលផ្តាច់ព្រ័ត្រជើងទីពីរទល់នឹង Manchester City នៅទឹកដី Etihad នៅថ្ងៃពុធនេះ។
ទោះបីជាយ៉ាងណាក៏ដោយខ្សែបម្រើវ័យ ៣៧ឆ្នាំបានបញ្ជាក់នៅក្នុងសន្និសីទសារព័ត៌មានមុនការប្រកួតថា Camavinga នឹងប្រកួតជាមួយក្រុមមេឃខៀវ។
Modric៖ Camavinga មិនអីនោះទេ ហើយគេបង្ហាញខ្លួនលើទីលាន នេះជារឿងសំខាន់បំផុត។ រូបគេបានបង្ហាញទម្រង់លេងបានយ៉ាងល្អនៅតំបន់ការពារឆ្នេង តែគេចូលចិត្តលេងនៅទីនោះទេ ប៉ុន្តែកំពុងតែព្យាយាមធ្វើឲ្យបានល្អ ហើយខ្ញុំសង្ឃឹមថា កន្លែងដែល Camavinga លេងនិងធ្វើបានល្អនៅថ្ងៃស្អែក។
គួរបញ្ជាក់ថា កីឡាករ Eduardo Camavinga បានចូលរួមជាមួយក្លិប Real Madrid នៅក្នុងឆ្នាំ ២០២១ បានបង្ហាញខ្លួនចំនួន ៥៩ប្រកួត៕