WOW! មិនឲ្យគួរជឿទេថា ថៃធ្លាប់ធ្វើជាម្ចាស់ផ្ទះស៊ីហ្គេម ដល់ទៅ ៥ដងរួចមកហើយ…
រឿងម្ចាស់ផ្ទះស៊ីហ្គេមណាមួយដាក់វិញ្ញាសាប្រពៃណីរបស់គេ ហើយដកវិញ្ញសាផ្សេងដែលធ្លាប់ដាក់ វាជាអភ័យឯកសិទ្ធិ អំណាចរបស់ប្រទេសជាម្ចាស់ផ្ទះ។ អ្នកមិនដឹងមួយចំនួនបែរជាទៅខឹងគេ ច្រណែនគេទៅវិញ។ វាជាសិទ្ធិដែលមានមករាប់ឆ្នាំមកហើយ។ នេះជាវិញ្ញាសា ដែលម្ចាស់ផ្ទះស៊ីហ្គេម ដាក់ចូល៖
SEA Games 2009 នៅឡាវ ប្រើ Muay Lao (Laotian boxing)
SEA Games 2021 នៅវៀតណាម វិញ្ញសាវូវីណាម
SEA Games 2023 នៅកម្ពុជា ដាក់វិញ្ញសា គុនខ្មែរ និងល្បុកតោ
SEA Games 2025 នៅថៃ នឹងដាក់វិញ្ញសា មួយថៃឡើងវិញ
ពិតណាស់ វិញ្ញសា មួយថៃ មានវត្តមានក្នុងស៊ីហ្គេម 2005–2009, 2013, 2019–2021។ ថៃបានធ្វើម្ចាស់ផ្ទះស៊ីហ្គេមបាន ៥ ដងរួចមកហើយ និងលើកទី៦ នៅឆ្នាំ២០២៥។ បងប្រុសម្នាក់ដែលសកម្មនៅក្នុងកីឡា Meanith Mean បានសរសេរថា៖
“យើងគួរយល់ដឹងថាក្នុងស៊ីហ្គេម គេអាចដាក់វិញ្ញាសាអ្វី ជាសិទ្ឌគេ មិនខុសពីយើងទេ។ យើងគួរប្រតិកម្មតាមរបៀបអ្នកយល់ដឹង គេមានសិទ្ធដាក់ Muy Thai ដូចយើងដាក់ គុនខ្មែរដែរ។ យើងដាក់ឈ្មោះគុនខ្មែរ អុកចត្រង្គ ក្នុងនាមយើងម្ចាស់ផ្ទះ ដល់ទៅគេ ឈ្មោះលើគេសម្រេច ហើយអាចដំណើរការបាន បើសិនមានប្រទេសចូលរួមលើសពី៤។ ទើបចប់ស៊ីហ្គេមថ្មីៗ យើងបានធ្វើឲ្យគេសរសើរពីការរៀបចំដ៍ល្អកំរិតលើសស៊ីហ្គេម តែកុំឲ្យគេដៀលថា បងប្អូនយើងមិនយល់ពីស៊ីហ្គេម”៕