ចប់ហើយ! ពេលនេះ កីឡាករ ឡៅ ចិត្រា មិនបានទៅប្រកួតជាមួយ ស៉ីង មុន្នី នៅទីក្រុងហុងកុង ប្រទេសចិន នោះទេ…
ពេលនេះ កីឡាករ ឡៅ ចិត្រា នឹងត្រូវខកខានទៅប្រកួតនៅទីក្រុងហុងកុង ប្រទេសចិន នាថ្ងៃទី១៣ ខែមិថុនា ដោយសារតែបញ្ហាទម្ងន់ខុសគ្នាមិនអាចសម្របសម្រួលបាន ពោលគឺ កីឡាករ ឡៅ ចិត្រា មានទម្ងន់ ៦៤-៦៥គីឡូក្រាម ហើយកីឡាករ ស៉ីង មុន្នី មានទម្ងន់ ៦៨-៦៩គីឡូក្រាម ដោយសារតែ ចិត្រា ឡើងគីឡូមិនកើត មុន្នី ចុះគីឡូមិនបាន ដូច្នេះហើយ ទើបក្លិប KKWC សម្រេចបញ្ជូនតែកីឡាករជនជាតិអេហ្សីប MOAZ EISAYED តំណាងឲ្យគុនខ្មែរ ទៅចូលរួមប្រកួតជាមួយកីឡាករ KING SUEN តែម្នាក់ប៉ុណ្ណោះ។
ក្នុងនោះលោកឧកញ៉ា ស្រី ចាន់ថន ក៏បាននិយាយថា៖
ជម្រាបសួរពុកម៉ែបងប្អូនជាទីគោរពស្រឡាញ់! ថ្ងៃនេះក្លិប Kun Khmer World Champion សូមជម្រាបជូនអំពីមូលហេតុដែលខកខាននាំយកកីឡាករ ឡៅ ចិត្រា ទៅប្រកួតនៅទីក្រុងហុងកុង ប្រទេសចិន នាថ្ងៃទី១៣ ខែមិថុនា ដោយសារតែបញ្ហាទម្ងន់ខុសគ្នាមិនអាចសម្របសម្រួលបាន។គឺថា កីឡាករ ឡៅ ចិត្រា មានទម្ងន់ ៦៤-៦៥គីឡូ ក្រាម ហើយ ស៉ីង មុន្នី ៦៨-៦៩ ពោលគឺយើងឡើងមិនកើត គេចុះមិនបាន។ ដូច្នេះហើយ ទើបក្លិប KKWC សម្រេចបញ្ជូនតែកីឡាករជនជាតិអេហ្សីប MOAZ EISAYED តំណាងឲ្យគុនខ្មែររបស់យើង ទៅចូលរួមប្រកួតជាមួយកីឡាករ KING SUEN តែម្នាក់គត់។សង្ឃឹមថាបងប្អូនអ្នកគាំទ្រគុនខ្មែរ នឹងយោគយល់អធ្យាស្រ័យ ចំពោះបញ្ហាមួយនេះ។ សូមបងប្អូនជួយ ស៊ែរ និងចូលរួមគាំទ្រលើកទឹកចិត្តដល់កីឡាករគុនខ្មែររបស់យើងផង។ដោយក្ដីគោរពនិងស្រឡាញ់បំផុតពីខ្ញុំបាទ ស្រី ចាន់ថន។
![](https://space365.sgp1.digitaloceanspaces.com/2023/06/12133700/29.jpg)