PSG ដាក់តម្លៃផ្ទេរលើកីឡាករ Mbappe ហើយ
ក្រុម Paris Saint-Germain យល់ព្រមបើកភ្លើងខៀវអោយកីឡាករ Mbappe ចាកចេញនៅរដូវកាលនេះហើយ ចំណែកឯ Real Madrid ជាក្លិបដែលមានភាគរយខ្ពស់ក្នុងការចុះកុងត្រានាំយកកីឡាករូបនេះចូលរួមជាមួយខ្លួន ។
បើយោងតាមសារព័ត៌មាន L’Équipé របស់ប្រទេសបារាំងបានចុះផ្សាយថាពេលនេះក្លិប PSG បានដាក់តម្លៃប្រមាណ ២០០លានអឺរ៉ូឯណ្ណោះបើសិនជាមានក្លិបណាចង់បានខ្សែប្រយុទ្ធរបស់ប្រទេស បារាំងរូបនេះ បច្ចុប្បន្នកីឡាករ Kylian Mbappe មិនសូវសប្បាយចិត្តជាមួយនឹងក្លិបមួយនេះនោះទេដោយរូបគេពិតជាចង់ចាកចេញកាន់តែឆាប់គឺកាន់តែល្អ តាមប្រភពដដែលបានបន្ថែមទៀតថាក្លិបអធិរាជស Real Madrid នៅតែចញ្ចឹមកូនចិត្តចង់បានកីឡាកររូបនេះមកចូលរួមក្រុមជាមួយនឹងពួកគេ ប៉ុន្តែក្លិបមកពីប្រទេស អេស្ប៉ាញ នេះហ៊ានចំណាយទឹកប្រាក់ត្រឹមតែ ១៥០លានអឺរ៉ូប៉ុណ្ណោះក្នុងសំណើផ្តល់អោយក្លិប PSG ។
គួរបញ្ជាក់ផងដែរថាកីឡាករ Kylian Mbappe បានមកចូលរួមជាមួយ PSG កាលពីឆ្នាំ ២០១៧ ហើយលេងឲ្យក្លិបសរុបចំនួន ២៦០ ដង និងស៊ុតចូល ២១២ គ្រាប់។