PRE-SEASON ប្រកួតដំបូងរបស់ក្លិប ភ្នំពេញក្រោន ចាប់ផ្តើមជាមួយចំនុចថ្មីមួយ

បាល់ទាត់ខ្មែរ៖ ក្លិបភ្នំពេញក្រោនបានចាប់ផ្តើមរដូវកាលរបស់ខ្លួននៃការប្រកួតមិត្តភាពយ៉ាងល្អជាមួយក្រុម PSIS FC របស់ឥណ្ឌូនេសុី ក្នុងលទ្ធផល ២ទល់នឹង២ ជាមួយនឹងការទទួលរាក់ទាក់យ៉ាងកក់ក្តៅ​ផងដែរ។

ក្លិបភ្នំពេញក្រោននិងបន្តធ្វើការប្រកួត Pre-Season របស់ខ្លួនចំនួន៤ប្រកួតទៀតនៅប្រទេសថៃ ថ្ងៃទី ៥ ខែកក្កដា ឆ្នាំ២០២៣ ជួបជាមួយ SUPHANBURI FC នៅទីលាន SUPHANBURI STADIUM ប្រកួតទី២ជាប់ជាមួយក្រុម PORT FC ថ្ងៃទី ៧ ខែកក្កដា ឆ្នាំ២០២៣ នៅទីលាន HUA HIN TRUE ARENA ចំណែកប្រកួតទី៣ ជួបជាមួយក្រុម HONG KONG RANGER FC នៅទីលាន THONBURI STADIUM រីឯប្រកួតចុងក្រោយក្លិបសិង្ហក្រហមត្រូវជួបជាមួយក្រុម RATACHABURI FC នៅទីលាន RATACHABURI STADIUM ។

បញ្ជាក់ផងដែរថាក្លិបភ្នំពេញក្រោនទើបតែក្លាយជាដៃគូផលិតព្រមទាំងផ្គត់ផ្គង់ឯកសណ្ឋានទាំងការប្រកួត ការហ្វឹកហាត់ និងសម្ភារៈកីឡាផ្សេងទៀតជាមួយក្រុមហ៊ុនម៉ាកដ៏ល្បីមួយរបស់ថៃគឺម៉ាក់ WARRIX ។ សម្រាប់ការប្រកួតមិត្តភាពទី១នេះដែរភ្នំពេញក្រោនក៏បានប្រើប្រាស់ឯកសណ្ឋានដែលជាម៉ាករបស់ WARRIX ទោះជាយ៉ាងណាក្លិបមិនទាន់បញ្ចេញឯកសណ្ឋានប្រកួតផ្លូវការសម្រាប់ការប្រកួតពានរង្វាន់នានានៅឡើយទេ៕