ពិតជាមិនធម្មតា! ក្នុងប្រវត្តិសាស្ត្រកម្មវិធីគុនខ្មែរ នេះជាលើកទី ១ហើយ (មានវីដេអូ)
លោក គឹមស្រ៊ុន កុសល (Tommy Kim ) ដែលជាអ្នករៀបចំកម្មវិធី និងគណ:គ្រប់គ្រងទូរទស្សន៍ថោន បានអរគុណដល់ប្រជាជនខ្មែរទាំងអស់ ដែលបានរួមគ្នាបង្កើតប្រវត្តិសាស្ត្រសំរាប់គុនខ្មែរ ជាពិសេស កម្មវិធី Techo Santepheap Kun Khmer World Champion ដែលពួកគេនាំគ្នាចូលមើល View បានសំរេចរហូតដល់ 501k ដែលជា View ខ្ពស់ជាងគេក្នុងប្រវត្តិសាស្ត្រគុនខ្មែរ ហើយសហព័ន្ធគុនខ្មែរក៏បានប្រគល់វិញ្ញាបនបត្រជូនស្ថាបនិក IPCC លោក សានសាន និងបងប្រុស Tommy Kim ទទួលស្គាល់ និងជំរុញការផ្សព្វផ្សាយគុនខ្មែរជាផ្លូវការការទៅកាន់ពិភពលោកដែរ។
ពិតណាស់ View ដែលបានកើនឡើងដល់ 501K នេះ គឺពេលអ្នកលេងពូថៅដៃ ធឿន ធារ៉ា ប៉ះជាមួយកីឡាករ អេឡិច ប៊ូប៊ែល ដោយក្នុងនោះ ធឿន ធារ៉ា ធ្វើបានយ៉ាងល្អ ក្នុងការផ្តួលកីឡាកររូបនេះ ឲ្យអាជ្ញាកណ្តាលបញ្ឈប់ក្នុងទឹកទី១ បន្ទាប់ពីវាយក្បាលពោះឲ្យអាជ្ញាកណ្តាលរាប់ពីរដង និងលើកទី ៣បញ្ឈប់ការប្រកួតតែម្តង ហើយសម្រាប់ជ័យជម្នះនេះ ធឿន ធារ៉ា ក៏ទទួលបានខ្សែក្រវាត់គុនខ្មែរពិភពលោក តេជោសន្តិភាព អមជាមួយប្រាក់រង្វាន់ ២០លានរៀលផងដែរ។
គួរបញ្ជាក់ផងដែរថា នៅក្នុងការផ្សាយផ្ទាល់អ្នកទស្សនាចំនួន 501K Views និងពេលឡាយចប់ចំនួនអ្នកទស្សនា 5.8M Views នេះជាកម្មវិធីប្រវត្តិសាស្រ្ត សម្រាប់គុនខ្មែររបស់កម្ពុជាហើយ ដែលធ្វើឲ្យពិភពលោកបានស្គាល់កាន់តែច្បាស់អំពីគុនខ្មែរ៕