គ្រាន់តែ Benzema ចាកចេញពី Real Madrid អតីតមិត្តរបស់គេហ៊ាននិយាយបែបនេះ
ក្លិប Real Madrid បានបញ្ចេញកីឡាករចំនួន ៥ រូបនៅរដូវក្តៅនេះរួមមាន Karim Benzema, Marco Asensio, Eden Hazard, Mariano Diaz និង Jesus Vallejo បើយោងតាមសំដីរបស់ខ្សែការពារ Eder Militao បានលើកឡើងថា ការចាកចេញរបស់ Benzema ប៉ះពាល់ខ្លាំងណាស់សម្រាប់កីឡាករទាំងអស់ពិសេសនៅក្នុងបន្ទប់ផ្លាស់សំលៀកបំពាក់។
ក្នុងនោះ Militao បាននិយាយថា៖”ការចាកចេញរបស់ Benzema ពិតណាស់ យើងមិនសប្បាយចិត្តដែលគេចាកចេញឡើយ សម្រាប់ខ្ញុំ រូបគេជាកីឡាករលេខ៩ល្អបំផុតក្នុងលោក ប៉ុន្តែជីវិតត្រូវតែបន្តទៅមុខ ឥឡូវនេះយើងត្រូវរៀបចំរចនាសម្ព័ន្ធរបស់ខ្លួនក៏ដូចជាក្រុមយើងឡើងវិញ”។
គួរបញ្ជាក់ថា Real Madrid បានចុះហត្ថលេខាលើកីឡាករ Joselu ដើម្បីជំនួសដំណែង Benzema ប៉ុន្តែខ្សែប្រយុទ្ធវ័យ ៣៣ ឆ្នាំរូបនេះ មិនអាចចាត់ទុកថាជាខ្សែប្រយុទ្ធកំពូលដែលអាចស៊ុតបញ្ចូលទីបានលើសពី ៣០ គ្រាប់ក្នុងមួយរដូវកាលឡើយ ដូច្នេះហើយក្លិបនៅអេស៉្បាញមួយនេះនៅតែចាប់អារម្មណ៍ក្នុងការចុះហត្ថលេខាលើ Kylian Mbappe នៅរដូវក្តៅនេះដដែល៕ ប្រភព៖ tribuna