ផែនការពិសេសរបស់ Ancelotti ដើម្បីធ្វើឲ្យកីឡាករឆ្នើមម្នាក់នេះមានរាងកាយមាំជាងមុន
គ្រូបង្វឹក Real Madrid លោក Carlo Ancelotti មានផែនការពិសេសមួយដើម្បីជួយឲ្យខ្សែបម្រើ Arda Guler ឡើងទម្ងន់ និងមានសាច់ដុំដោយមិនបាត់បង់ល្បឿន និងភាពរហ័សរហួនដូចដែលគេហទំព័រ AS ធ្លាប់បានចេញផ្សាយ។
Guler បានធ្វើឲ្យលោក Ancelotti និងបុគ្គលិកក្រុមការងារគ្រូបង្វឹករបស់លោក ចាប់អារម្មណ៍ជាមួយនឹងភាពមុតស្រួច និងសមត្ថភាពបច្ចេកទេសរបស់គេក្នុងការហ្វឹកហាត់ជាខ្លាំង យ៉ាងណាកីឡាកររូបនេះទើបតែមានអាយុ ១៨ ឆ្នាំប៉ុណ្ណោះ ហើយមើលទៅកាយសម្បទាមិនទាន់មាំទាំនៅឡើយ ដូច្នេះរូបគេអាចនឹងត្រូវបានគេបៀតបៀនលើទីលានយ៉ាងងាយស្រួល ក្នុងការលេងនៅលីគ La Liga ក៏ដូចជាក្របខណ្ឌ Champions League ក្ដី លើសពីនេះទៅទៀត ខ្សែបម្រើសញ្ជាតិទួគីរូបនេះអាចនឹងលេងមិនចប់ការប្រកួតនោះទេ ជាក់ស្ដែងកាលពីរដូវកាលមុន គេបានបង្ហាញខ្លួនត្រឹមតែ ៩០ នាទីប៉ុណ្ណោះសម្រាប់ក្រុមស្ដេចសរក្នុងការប្រកួតចំនួន ៥ ដងក្នុងចំណោម ៣៥ ប្រកួត។
ក្នុងផែនការធ្វើឲ្យ Guler មានរាងកាយមាំមួន ពាក់ព័ន្ធនឹងការតមអាហារ ការធ្វើលំហាត់ប្រាណសម្រាប់ក្មេងប្រុស ក្នុងនោះថែមទាំងមានជំនួយពីប្រធានរៀបចំកាយសម្បទាប្រចាំក្លិបលោក Antonio Pintus ផងដែរ។ ប្រភព៖ tribuna