គ្រូបង្វឹកវិសាខា បាននិយាយអ្វីខ្លះមុនប៉ះភ្នំពេញក្រោន នៅយប់នេះ
ក្រុមបាល់ទាត់វិសាខា ក្នុងនាមជាម្ចាស់ជើងឯកពានរង្វាន់សម្តេចតេជោ ហ៊ុន សែន និងត្រូវប្រកួតជាមួយម្ចាស់ជើងឯកពានរង្វាន់ខេមបូឌានព្រីមៀរលីគ គឺក្រុមភ្នំពេញក្រោន នៅក្នុងយប់នេះដើម្បីដណ្តើមពានខេមបូឌានស៊ុបភើខាប់ដែលជាពានរង្វាន់បើករដូវកាល ២០២៣ ។
គ្រូបង្វឹករបស់ក្រុមបាល់ទាត់វិសាខាលោក Simon Alexander Mcmenemy បាននិយាយក្នុងកិច្ចសម្ភាសន៍ថា ការប៉ះក្រុមភ្នំពេញក្រោន នៅពានខេមបូឌានស៊ុបភើខាប់មួយនេះនឹងក្លាយជាការប្រកួតមួយដែលមានការប្រកួតប្រជែងខ្លាំងមុនបើករដូវកាល លោកបានសរសើរភ្នំពេញក្រោនយ៉ាងខ្លាំងដោយរយៈពេល ២ឆ្នាំចុងក្រោយ ពួកគេគឺជាក្លិបជោគជ័យបំផុតក្នុងលីគកំពូលកម្ពុជា ប៉ុន្តែគួរតែមានក្រុមណាមួយអាចមានលទ្ធភាពយកជ័យជម្នះលើពួកគេ ។
គួរបញ្ជាក់ផងដែរថា ការប្រកួតពានរង្វាន់ស៊ុបភើខាប់កាលពីរដូវកាលមុនក្រុមបាល់ទាត់ភ្នំពេញក្រោន បានយកឈ្នះលើក្រុមវិសាខាក្នុងលទ្ធផល ២-១ នឹងក្លាយជាម្ចាស់ជើងឯកពានរង្វាន់រដូវកាល២០២២ ចុះសម្រាប់ថ្ងៃនេះវិញតើភ្នំពេញក្រោនអាចការពារតំណែងជើងឯកបានទេ ៕
