ផល សោភ័ណ្ឌ នឹងទៅប្រកួតនៅប្រទេស រុស្ស៊ី ថ្ងៃទី១៨ ខែសីហា ឆ្នាំ២០២៣ ខាងមុខនេះហើយ
អ្នកលេងគុនខ្មែរដំរីភ្លុកពិឃាដ ផល សោភ័ណ្ឌ នឹងត្រូវទៅប្រកួតនៅប្រទេស រុស្ស៊ី ដោយត្រូវជួបដៃគូជាជើងខ្លាំង និងធ្លាប់អង្រួនសង្វៀន ONE Championship ហើយការប្រកួតនេះរៀបចំដោយក្រុមប្រឹក្សាកីឡាប្រយុទ្ធអាជីពអន្តរជាតិ (IPCC) នៅថ្ងៃទី១៨ ខែសីហា ឆ្នាំ២០២៣ ខាងមុខនេះ។
លោក Tommy Kim អ្នកតំណាង IPCC ប្រចាំនៅប្រទេសកម្ពុជា បានទម្លាយឲ្យដឹងថា៖ “ការណាត់ជួបត្រូវបានកំណត់… ក្នុងនាមខ្ញុំតំណាងឲ្យ IPCC យើងនឹងបន្តការជួយជ្រោមជ្រែង និងលើកស្ទូយកីឡាប្រដាល់គុនខ្មែរទៅកាន់ឆាកអន្តរជាតិ ជួបគ្នាថ្ងៃទី១៨ ខែសីហា ឆ្នាំ២០២៣ នៅទីក្រុងមូស្គូ ប្រទេស រុស្ស៊ី”។
គួរបញ្ជាក់ផងដែរថា ព័ត៌មានលំអិតអំពីដៃគូរបស់ដំរីភ្លុកពិឃាដ ផល សោភ័ណ្ឌ នឹងត្រូវផ្តល់ជូនក្នុងពេលឆាប់ៗនេះ៕