Thiago ថា ព្រំ សំណាង មិនអាចជាស្តេចប្រដាល់គុនខ្មែរទេ ទោះបីឈ្នះ ដាវ លីឌុច ក៏ដោយ បើមិនឆ្លងកាត់គាត់ (មានវិដេអូ)
តាមការគ្រោងទុក ព្រំ សំណាង នឹងប្រកួតជាមួយកីឡាករមីយ៉ាន់ម៉ា Dave Leduc នៅខែវិច្ឆិកា ខាងមុខនេះក្រោមច្បាប់គុនខ្មែរ ការប្រកួតនេះនឹងក្លាយជាការប្រកួតចុងក្រោយរបស់កីឡាករ ដាវ លីឌុច មុនពេលគាត់ចូលនិវត្តន៍។
យ៉ាងណាមិញ កីឡាករប្រដាល់ប្រេស៊ីលសញ្ជាតិខ្មែរ Thiago Teixeira បាននិយាយថា៖ កីឡាករ ព្រំ សំណាង នឹងមិនអាចជាស្តេចប្រដាល់គុនខ្មែរនោះទេ បើទោះជាឈ្នះកីឡាករប្រដាល់មីយ៉ាន់ម៉ា Dave Leduc ក៏ដោយ ប្រសិនបើមិនទាន់ឆ្លងកាត់គាត់។
Thiago បានបន្តទៀតថា៖ “Dave Leduc គ្មានគីឡូវ៉ៃឈ្នះ ព្រំ សំណាង ឡើយ! ហើយខ្ញុំជឿជាក់ថា ព្រំ សំណាង នឹងឈ្នះកីឡាករ Dave Leduc”។ ហើយជំនួបអ្នកទាំងពីនេះ នឹងក្លាយជាព្រឹត្តិការណ៍ដ៏ធំបំផុតក្នុងប្រវត្តិសាស្ត្រកម្ពុជា និងអាស៊ីអាគ្នេយ៍ផងដែរ។
គួរបញ្ជាក់ថា ជំនួបដ៏កក្រើករវាងជាងកាត់សក់ដៃឯក ព្រំ សំណាង នឹងស្តេចប្រដាល់មីយ៉ាន់ម៉ា ដាវ លីឌុច ធ្វើឡើងនៅថ្ងៃទី០៥ ខែវិច្ឆិកា ឆ្នាំ២០២៣ ដោយការប្រកួតធ្វើឡើងនៅស្ថានីយទូរទស្សន៍ថោន ហើយអ្នកទាំងពីរប្រកួតលក្ខណៈម៉ាស់ហ្វៃ ១ទឹក ៩នាទី៕