WOW! ពេលនេះក្រុមខ្លាំងទាំងពីរប៉ះគ្នា វគ្គផ្តាច់ព្រ័ត្រជើងឯកបាល់ទះអាស៊ីហើយ (មានវិដេអូ)
ពេលនេះរកឃើញក្រុមខ្លាំងពីឡើងទៅវគ្គផ្តាច់ព្រ័ត្រជើងឯកបាល់ទះអាស៊ី ២០២៣ ហើយ ដោយម្ចាស់ការពារតំណែងជើងឯកឆ្នាំចាស់ អ៊ីរ៉ង់ ត្រូវប៉ះអធិរាជបាល់ទះប្រចាំតំបន់អាស៊ី ជប៉ុន នៅវគ្គផ្តាច់ព្រ័ត្រ ក្នុងការប្រកួតបាល់ទះជើងឯកអាស៊ី លើកទី២២ ឆ្នាំ២០២៣ បន្ទាប់ពីទទួលបានជ័យជម្នះរៀងៗខ្លួននៅវគ្គពាក់កណ្តាលផ្តាច់ព្រ័ត្រកាលពីល្ងាចមិញ។
ពិតណាស់ ស្តេចបាល់ទះប្រចាំតំបន់អាស៊ី ជប៉ុន ត្រូវបានក្រុមបាល់ទះកាតា បើកការនាំមុខសិតទី១ ដោយពិន្ទុ ២២-២៥ ប៉ុន្តែ ជប៉ុន បានវាយបក ៣សិតមកវិញ (២៥-១៨ ២៥-១៥ និង ២៨-២៦) ហើយទទួលបានជ័យជម្នះ ដោយលទ្ធផល ៣-១ ដើម្បីឡើងទៅកាន់វគ្គផ្តាច់ព្រ័ត្រតែម្តង ចំណែកឯ ម្ចាស់ផ្ទះ អ៊ីរ៉ង់ វិញ ធ្វើបានយ៉ាងល្អ ដោយបានលត់ក្រុមបាល់ទះ ចិន ដោយលទ្ធផល ៣-០ គឺ ២៥-២០ ២៥-២៣ និង ២៥-២៣ ដើម្បីបោះជំហានទៅកាន់វគ្គផ្តាច់ព្រ័ត្រ។
គួរបញ្ជាក់ផងដែរថា ការប្រកួតបាល់ទះជើងឯកអាស៊ី លើកទី២២ ឆ្នាំ២០២៣ នៅវគ្គផ្តាច់ព្រ័ត្រ រវាងម្ចាស់ផ្ទះ អ៊ីរ៉ង់ និង ជប៉ុន ត្រូវធ្វើឡើងនៅយប់ថ្ងៃសៅរ៍ ទី២៦ ខែសីហា ឆ្នាំ២០២៣ នេះ៕