ក្រោយរកបាន ២គ្រាប់ លឹម ពិសុទ្ធ ថា មិនសូវពេញចិត្តនិងទម្រង់លេងរបស់ភ្នំពេញឡើយ

ជំនួបរវាង ភ្នំពេញក្រោន ប៉ះជាមួយ អាយ អេស អាយ ដង្កោសែនជ័យ ធ្វើឲ្យខ្សែប្រយុទ្ធ លឹម ពិសុទ្ធ ត្រលប់មករកគ្រាប់បាល់បានវិញ បន្ទាប់ពីត្រូវបានអ្នកគាំទ្រមួយចំនួនបានរិះគន់ជាខ្លាំង យ៉ាងណាក្នុងការប្រកួតដ៏ជក់ចិត្តខាងលើ ធ្វើឲ្យរូបគេអាចស៊ុតបញ្ចូលបានរហូតដល់ ២គ្រាប់ដែលបញ្ចូលបាល់ដោយមិត្តរួមក្រុម កីឡាករ ផាច សុជាវិឡា នៅនាទីទី ៥ និងនាទីទី៧២ ក្នុងនោះក្រោយចប់ការប្រកួត លឹម ពិសុទ្ធ បានបង្ហាញចំណាប់អារម្មណ៍របស់ខ្លួនថា៖ខ្ញុំ

រីករាយដែលបាន ៣ពិន្ទុសម្រាប់ការឈ្នះក្នុងដី ប៉ុន្តែខ្ញុំមិនសូវរីករាយជាមួយការបង្ហាញទម្រង់លេងរបស់យើងនោះទេ យើងនឹងព្យាយាមកែប្រែចំនុចមួយចំនួនសម្រាប់ការប្រកួតក្រោយ ខ្ញុំសូមអរគុណដល់អ្នកគាំទ្រសម្រាប់ការគាំទ្រដ៏អស្ចារ្យ ទាំងការប្រកួតក្នុងដី និងក្រៅដី ។

គួរបញ្ជាក់ថា ជំនួបរវាងក្រុមទាំង២ខាងលើ ភ្នំពេញក្រោនបានទទួលជ័យជន្នះលើ អាយ អេស អាយ ដង្កោសែនជ័យ ដោយលទ្ធផល ៤-២ ដណ្ដើមបាន ៣ពិន្ទុដែលស្ថិតនៅឯកីឡដ្ឋាន Smart RSN៕