Liverpool បានត្រៀមលុយធំដើម្បីយកខ្សែប្រយុទ្ធ Kylian Mbappe
Liverpool បានដាក់សំណើទៅក្លិប PSG ក្នុងការផ្ទេរយកខ្សែប្រយុទ្ធ Kylian Mbappe ជាមួយនឹងតម្លៃខ្លួនខ្ពស់កប់ពពក នេះបើតាមការអះអាងរបស់ភ្នាក់ងារ FIFA ម្នាក់ឈ្មោះ Marco Kirdemir បានប្រាប់មកកាន់សារព័ត៌មានរបស់ប្រទេស អេស្ប៉ាញ ។
លោក Kirdemir បានប្រាប់សារព័ត៌មានរបស់ប្រទេស អេស្ប៉ាញ Marca ថាក្រុម Liverpool ត្រៀមលុយប្រមាណ ៣០០ លានអឺរ៉ូ ក្នុងការចុះកុងត្រាជាមួយខ្សែប្រយុទ្ធវ័យក្មេង Kylian Mbappe ពីក្លិប PSG បើសិនជាការផ្ទេរនេះអាចត្រូវបានធ្វើឡើងពិតមែន Mbappe នឹងបំបែកកំណត់ត្រាជាកីឡាករដែលមានតម្លៃផ្ទេរថ្លៃបំផុតក្នុងប្រវត្តិសាស្ត្របាល់ទាត់របស់កីឡាករ Neymar Jr ដែលកាលពីឆ្នាំ ២០១៧ PSG បានសម្រេចផ្ទេរកីឡាករប្រេស៊ីលរូបនេះពីក្លិប Barcelona ក្នុងតម្លៃដល់ទៅប្រមាណ ២២០ លានអឺរ៉ូ ជាការពិតណាស់ក្លិប Real Madrid តែងតែតាមប្រមាញ់យកខ្សែប្រយុទ្ធសញ្ជាតិ បារាំង រូបនេះជារឿយៗនិងបានដាក់សំណើមកកាន់ក្លិបជាច្រើនលើកច្រើនសារប៉ុន្តែក្លិបបានបដិសេធនឹងសំណើរបស់ក្លិបអធិរាជស មួយនេះរហូត ។
គួរបញ្ជាក់ផងដែរថា Mbappe ជាកីឡាករដល់ល្អរបស់ PSG តាំងពីចូលរួមជាមួយ PSG កាលពីឆ្នាំ ២០១៧ មកកីឡាករលេងសរុប ២៦០ ប្រកួត និងស៊ុតចូល ២១២ គ្រាប់៕
