ទីបំផុតពានរង្វាន់ KCC Pre-Season Cup ២០២៣ បានឈានដល់វគ្គផ្តាច់ព្រ័ត្រ
ពានរង្វាន់ KCC Pre-Season Cup ២០២៣ បានឈានដល់វគ្គផ្តាច់ព្រ័ត្រដោយរកឃើញជើងខ្លាំងចំនួន២គឺ ISI ដង្កោសែនជ័យ និងណាហ្គាវើលដ៍ ក្រោយប្រកួតប្រជែងតាំងពីថ្ងៃទី១៧ ខែមិថុនា វគ្គជម្រុះតាមពូល និងវគ្គពាក់កណ្តាលផ្តាច់ព្រ័ត្រ។
ក្រុមបាល់ទាត់ណាហ្គាវើលដ៍ ក្រោមការដឹកនាំរបស់លោក ឃឹម បូរី បានជួយអោយក្លិបមួយនេះឡើងទៅកាន់វគ្គផ្តាច់ព្រ័ត្រជាលើកទី២ ក្នុងការប្រកួតជាលក្ខណៈ Pre-Season កម្តៅសាច់ដុំមុនលីគកំពូលកម្ពុជាមកដល់ ក្រុម ណាហ្គាវើលដ៍ បានយកឈ្នះ Tiffy Army FC ក្នុងលទ្ធផល ២-១ ក្នុងពានរង្វាន់ KCC Pre-Season Cup កាលពីរាត្រីថ្ងៃទី១ ខែកក្កដា ២០២៣ កន្លងទៅ ។
ចំណែកឯក្លិបបាល់ទាត់ ISI ដង្កោសែនជ័យ បានយកឈ្នះទៅលើក្រុមព្រៃវែង FC ដូចគ្នាដោយបញ្ចប់លទ្ធផល ៣-១ ក្នុងវគ្គពាក់កណ្តាលផ្តាច់ព្រ័ត្រដែលធ្វើឡើងនៅកីឡដ្ឋាន AIA Stadium, KMH Park កាលពីរាត្រីថ្ងៃអាទិត្យ ទី ២ ខែកក្កដា នេះ ។
ខាងក្រោមនេះជាកម្មវិធីប្រកួតវគ្គផ្តាច់ព្រ័ត្រ៖
-ដណ្តើមយកលេខ៣
ថ្ងៃអាទិត្យ ទី៩ ខែកក្កដា វេលាម៉ោង ៣:៤៥នាទីរសៀល Tiffy Army ប៉ះ ព្រៃវែង
-ដណ្តើមយកជើងឯក
ថ្ងៃអាទិត្យ ទី៩ ខែកក្កដា វេលាម៉ោង ៧:០០នាទីយប់ ISI ដង្កោសែនជ័យ ប៉ះ ណាហ្គវើលដ៍៕
