កីឡាកររូបនេះបាននិយាយអ្វីខ្លះបន្ទាប់ពីចូលរួមជាមួយ ក្លិបព្រះខ័នរាជស្វាយរៀង ?
ក្លិបព្រះខ័នរាជស្វាយរៀង បានប្រកាសជាផ្លូវការនាំយកកីឡាករសញ្ជាតិឡាវ Bounphachan Bounkong ដែលស្របតាមកូតាកីឡាករអាស៊ាន ក្នុងការនាំយកកីឡាកររូបនេះមកកាន់លីគកំពូលកម្ពុជា គឺជាការដោះដូរកីឡាករគួរឲ្យចាប់អារម្មណ៍មួយសម្រាប់រដូវកាលថ្មីនេះ ។
កីឡាករ Bounphachan Bounkong បាននិយាយក្នុងកិច្ចសម្ភាសន៍ជាមួយសារព័ត៌មានមួយថា៖ រូបគេពិតជាសប្បាយចិត្តណាស់ដែលបានចូលរួមជាមួយក្លិបរបស់ប្រទេសកម្ពុជា ហើយក្រុមនេះគឺជាក្រុមដ៏ល្អមួយដែលមានវិជ្ជាជីវៈខ្លាំង មានធនធាន និងគោរពគ្នាទៅវិញទៅមក ក្រុមមានថ្នាក់ដឹកនាំដែលល្អខ្ញុំសង្ឃឹមថានឹងបានរួមចំណេកជួយក្រុមឲ្យទទួលបានជ័យជម្នះគ្រប់ការប្រកួតទាំងអស់នៅរដូវកាលនេះ កីឡាររូបនេះបានបន្ថែមទៀតថា ចំពោះអ្នកគាំទ្រកម្ពុជា និងឡាវ ខ្ញុំសង្ឃឹមថានឹងទទួលបានការគាំទ្រពីអ្នក ដើម្បីលើកទឹកចិត្តនិងក្រុម ខ្ញុំនឹងខិតខំឲ្យបានខ្លាំងបំផុតសម្រាប់ក្លឹបនេះ ហើយលេងដើម្បីមិត្តរួមក្រុមរបស់ខ្ញុំ និងភាពជោគជ័យរបស់ក្លិប ។
សូមបញ្ជាក់ថា ខេមបូឌានព្រីមៀរលីគនៅរដូវកាលថ្មី២០២៣-២៤ ដែលនឹងចាប់ផ្តើមនៅថ្ងៃ សៅរ៍ ទី ៥ ខែសីហា ខាងមុខនេះគឺតម្រូវឲ្យគ្រប់ក្លិបទាំងអស់ចុះកុងត្រាបរទេសចំនួន ៦រូបគឺកីឡាករអាស៊ាន (AFF)១នាក់ កីឡាករអាស៊ី (AFC) ១នាក់ និងកីឡាករតំបន់ផ្សេង៤នាក់ ៕
