ខ្សែការពារ ទេស សម្បត្តិ បាននិយាយអ្វីខ្លះមុនការប្រកួតពានរង្វាន់ខេមបូឌានស៊ុបភើខាប់នៅថ្ងៃស្អែកនេះ (មានវីដេអូ)
ខ្សែការពារ ទេស សម្បត្តិ របស់ក្លិប វិសាខា បានសម្តែងអារម្មណ៍សប្បាយរីករាយចំពោះការវិលត្រលប់មកកាន់ការប្រកួតពានរង្វាន់លីគកំពូលកម្ពុជា នៅក្នុងពេលឆាប់នេះ កីឡាកររូបនេះបានចាប់ទុកការប្រកួតពានរង្វាន់ខេមបូឌានស៊ុបភើខាប់ នៅថ្ងៃស្អែកនេះជាការប្រកួតមួយយ៉ាងសំខាន់មួយមុនបើករដូវកាលថ្មី ។
កីឡាករ ទេស សម្បត្តិ បាននិយាយក្នុងកិច្ចសម្ភាសន៍ជាមួយនិងក្លិបវិសាខា ថាខ្លួនពិតជាសប្បាយចិត្តនៅពេលដែលលីគកំពូកកម្ពុជា កាន់តែខិតជិតមកដល់ ជាពិសេសក្នុងព្រឹត្តិការណ៍ ខេមបូឌានស៊ុបភើខាប់ នៅថ្ងៃស្អែកនេះផ្ទាល់តែម្តង រូបគេនិងមិត្តរួមក្រុមបានត្រៀមខ្លួនរួចរាល់អស់ហើយ គឺដើម្បីលើកពានជូនក្លិបនឹងបង្កើតប្រវត្តិសាស្រ្តថ្មីសម្រាប់ក្លិបយើងដូចគ្នា ហើយការប្រកួតនៅថ្ងៃស្អែកនេះវានិងក្លាយជាប្រកួតដល់សំខាន់មួយនេះមុនបើករដូវកាលរបស់ក្រុមផងដែរ យ៉ាងណាមិញកីឡាកររូបនេះបានអំពាវនាវដល់បងប្អូនទាំងអស់សូមចូលរួមទស្សនាការប្រកួតនៅថ្ងៃស្អែកនេះឲ្យបានច្រើនកុះករ ។
គួរបញ្ជាក់ផងដែរថា ការប្រកួតដណ្តើមពានរង្វាន់ខេមបូឌានស៊ុបភើខាប់ រវាងក្រុមបាល់ទាត់ភ្នំពេញក្រោន ត្រូវប៉ះជាមួយក្រុមបាល់ទាត់ វិសាខា និងធ្វើឡើងនៅថ្ងៃស្អែកនេះ នៅពហុកីឡដ្ឋានជាតិអូឡាំពិក វេលាម៉ោង៦:០០នាទីតទៅ ៕
