ចន្ថា ចន្ធាកា និង សៀង ចន្ធា ត្រូវបានកោះហៅចូលក្រុមជម្រើសជាតិត្រៀមប្រកួតជាមួយ ហុងកុង និង ម៉ាកាវ

នាព្រឹកថ្ងៃទី២៩ ខែសីហា សហព័ន្ធកីឡាបាល់ទាត់កម្ពុជា បានចេញបញ្ជីរាយនាមកីឡាករដែលត្រូវត្រៀមប្រកួតឈុតធំ ២៦ នាក់ក្នុងការប្រកួតមិត្តភាព Vattanac International Friendly និង MinebeaMitsumi International Friendly នៅថ្ងៃទី ០៧ និង ថ្ងៃទី ១១ ខែកញ្ញា ឆ្នាំ២០២៣។

ជាការពិតណាស់ អ្វីដែលធ្វើឲ្យអ្នកគាំទ្រភ្ញាក់ផ្អើលនោះគឺ វត្តមានរបស់ ចន្ថា ចន្ធាកា និង សៀង ចន្ធា ដែលចំពោះ ចន្ទាកា ទើបតែបង្ហាញទម្រង់លេងបានយ៉ាងល្អជាមួយក្រុមបឹងកេត ដោយជំនួបរវាង បឹងកេត ប៉ះជាមួយ វិសាខា រូបគេបានស៊ុតបញ្ចូលទីចំនួន ២ គ្រាប់និងបញ្ចូនបាល់ឲ្យចិត្តរួមក្រុមចំនួនមួយដង ចំណែង សៀង ចន្ធា ដែលបច្ចុប្បន្នកំពុងប្រកបអាជីពជាមួយក្លិប Al Shahaniya SC ដែលលេងនៅលីគទី២ របស់ប្រទេសកាតា ក៏ត្រូវហោះមកកាន់តែទឹកដីកម្ពុជាដើម្បីចូលរួមប្រកួតផងដែរ។

គួរបញ្ជាក់ថា នៅថ្ងៃទី៧ ខែកញ្ញា ឆ្នាំ២០២៣ វេលាម៉ោង ១៩:០០ នាទីយប់ កម្ពុជា នឹងត្រូវប៉ះជាមួយ ហុងកុង និង នៅថ្ងៃទី១១ ខែកញ្ញា ឆ្នាំ២០២៣ វេលាម៉ោង ១៩:០០ នាទីយប់ កម្ពុជា នឹងត្រូវប៉ះជាមួយ ម៉ាកាវ ដែលជំនួបទាំងពីរនេះគឺធ្វើឡើងនៅពហុកីឡដ្ឋានជាតិអូឡាំពិក។