គ្រូភ្នំពេញក្រោន និង គ្រូកងយោធពលខេមរភូមិន្ទ និយាយអ្វីខ្លះមុនពេលប៉ះគ្នាថ្ងៃនេះ

ក្នុងសន្និសីទសារព័ត៌មានកាលពីម្សិលមិញមុនការប្រកួតរវាងភ្នំពេញក្រោន និងកងយោធពលខេមរភូមិន្ទ នៅឯនៅកីឡដ្ឋាន ស្មាត អ.អេស.អិន គ្រូបង្វឹកទាំងពីបានលើកឡើងយ៉ាងណាខ្លះមុនពេលត្រូវតតាំងគ្នាក្នុងក្របខណ្ឌ Cambodia premier league ។

ចំពោះគ្រូបង្វឹកក្រុមភ្នំពេញក្រោន លោក Oleg Starynskyi បាននិយាយថា៖សមាគមកីឡាបាល់ទាត់ ខ.ភ.ម គឺជាក្រុមដែលល្អ ជាក្រុមដែលខ្លាំង ពួកគេមានការប្រកួតប្រជែងខ្ពស់ សម្រាប់ឆ្នាំនេះពួកគេមានក្រុមមួយដែលថ្មី បើយើងប្រៀបធៀបជាមួយរដូវកាលមុន និងការប្រកួតលីគខាប់ ពួកគេកំពុងតែស្វែងរកទម្រង់លេងរបស់ខ្លួន ពួកគេធ្វើមិនបានល្អក្នុងការប្រកួតដំបូង តែការប្រកួតបន្តបន្ទាប់ធ្វើបានល្អ។

រីឯគ្រូបង្គោលក្រុម Tiffy Army FC លោក ភា សុភ័ត្ត្រា បាននិយាយថា៖ ខ្ញុំពិតជាមានមោទនភាព ដែលបានជួបក្រុមខ្លាំងដូចជាភ្នំពេញក្រោន ដែលបានឆ្លងទៅដល់វគ្គចែកពូលនៃពានរង្វាន់ AFC Cup ងាកមកក្រុមទាំងហាក់មានការរវល់ដូចគ្នាដោយ Tiffy Army ក៏ទើបតែត្រឡប់មកពីសៀមរាង ជួបអង្គរថាហ្គឺរ មានពេលហ្វឹកហាត់តែ១ថ្ងៃ ចំណែកភ្នំពេញក្រោនក៏ដូចគ្នាទើបប្រកួតចប់ AFC Cup ក៏ដូចជាជួបណាហ្គាវើលដ៍។

គួរបញ្ជាក់ថា ភ្នំពេញក្រោន នឹងត្រូវប៉ះជាមួយ កងយោធពលខេមរភូមិន្ទ វេលាម៉ោង ៦:០០នាទីល្ងាច នាកីឡដ្ឋាន ស្មាត អ.អេស.អិន សម្រាប់សប្ដាហ៍ទី៣ នៃក្របខណ្ឌ Cambodia premier league ៕